Mir sinn stolz op eise Schüler, de Mattia Testa, deen sech mat vill Kreativitéit an Engagement duerch d’Challengen vun der Science Show “Take off” schléit! Mir wënschen him weiderhin vill Erfolleg!

Wéi all Joers hat de Kleeschen de Wee och dëst Joer rëm bis an eise Lycée gepackt. Déi meescht Schüler hunn sech geschéckt, an de Kleesche war immens frou dass hien an eisem Schoulhaff sou schéin empfaange gouf. Dono ass hie mat sengem fläissege Personal, ënnert anerem den Engelen, Elfen a Renndéier duerch d’Klasse gezunn, an do goufe Kamellen an awer och Rutte verdeelt. Merci Kleeschen, mir freeën eis op d’nächst Joer.

De 17. Dezember hate mir am Lycée Robert-Schuman eise Wantermaart. D’Schüler haten immens flott Iddien, vum Escape Room bis bei de Kino, a vu séiss bis häerzhaft, dat Ganzt war op iwwer 40 Stänn verdeelt an et war wuel fir jiddereen eppes dobäi. D’Iddi hannert eisem Wantermaart ass natierlech dass all Mënsch sech ameséiert, an dass d’Schüler och d’Méiglechkeet kréien hier Iddien op hire jeeweilege Stänn ëmzesetzen, an als Klass zesummen ze schaffen. Als Schoul ass et eis awer och wichteg de Schüler ze weise wéi flott et ka sinn sech ze engagéieren an eppes fir de gudden Zweck ze maachen. Dëst Joer geet eisen Erléis un d’Stëmm vun der Strooss an un de Wonschstär. Mir soen eise Schüler, Enseignanten an all deenen déi sech engagéiert hunn e ganz grousse merci!   Fotogalerie

Den 13. Dezember hu mir vun den Winterlights on Ice op der Kinnekswiss profitéiert. 12 Schüler aus ënnerschiddlechen Klassen hu e flotten Nomëtten zesummen op der Äispiste verbruecht. Si hu sech géigesäiteg gehollef beim un- an ausdoen, beim Schlittschong fueren an och beim falen hu se sech nees gehollef opkommen. Kengem ass eppes geschitt a Freed konnt een an de Gesichter gesinn.