Dëst Joer war d'First Lego League Lëtzebuerg den 05.02.2025 am Forum um Campus Geesseknäppchen. Véier vun eise Schüler hunn drun deelgeholl. Am viraus hunn si sech zesummen all Woch virbereet an e Roboter gebaut an am Lego Spike programméiert. Des Joer war Thema Submerged, wou si hu misse verschidde Missiounen erleedegen an e Fuerschungsprojet virun engem Jury presentéieren. Zwëschent de Challengen konnten si u Workshops deelhuelen. Fotogalerie

Eis Mini-Entreprise Lucillin huet de Präis vum beschte Stand gewonnen

Am Kader vun den “Green Days 2025” huet d’ SDK Akademie Mëtt Februar fir d’ 7e Klassen Aktivitéiten proposéiert, sou den Atelier „Mäi Bäitrag zum Erhalen vun de Ressourcen“, fir déi Jugendlech fir e verantwortleche Konsum vun Ressourcen ze sensibiliséieren. Duerno huet de Circular Lab  Statioun am Schoulhaff vum LRSL gemaach, wou d’ Schüler d’ Prinzippien vun der kreesförmeger Economie duerch interaktiv an immersiv Erfarungen entdecke konnten. Ofschléissend hunn d’ 7en en Visitt am Centre de Tri vun der Superdreckskëscht zu Colmar-Bierg gemaach, wou si geléiert goufen hiren Offall ze zortéieren, fir dass d’ Ressourcen kënne recycléiert ginn. D’ 6èmes Klassen haten dëst Joer d’ Geleeënheet, déi fonkelnei Waasseropbereedungsanlag vun der SEBES den 10. an 12. Februar besichen ze goen. Dobäi kruten si bei der Visite “Eist Drénkwaasser – vun der Natur an de Krunn” en Abléck an den Opbau an d’ Fonctionnement vun der Anlag. Weiderhin konnten d’ Schüler sech bei interaktiven Kaarten an Filmer en Iwwerbléck iwwert eis Drénkwaasserversuergung verschafen bis si zum Schluss dann och selwer d’ Waasserqualitéit konnten testen. Als Ofschloss gouf et dann och nach e flotten Souvenir a Form vun enger Drénk Fläsch déi dann an der Schoul all Dag mat frëschem Waasser aus der SEBES gefëllt ka ginn. Fotogalerie 7e Fotogalerie 6e

Am Kader vum ORIKA-Projet sinn dëst Joer nees Kanner vun de Cycles 4.1 a 4.2 eise Lycée kucke komm. Eise Sous-Direkter den Här Weber huet si empfaangen an hinnen e puer Informatiounen zu eisem Gebai an eise Klasse ginn. Dunn konnten d'Schüler aus dem Primaire sech en Abléck verschaffen andeems si u 7es, respektiv 6es Coursen deelgeholl hunn. Duerno goufen si a verschidden Atelieren opgedeelt a konnten sech déi eenzel Departementer an och zum Deel Parascolaire Aktivitéiten ukucken. Eis Direktesch d'Madamm Remakel huet hinnen zum Schluss och nach nëtzlech Erklärunge ginn an d'Schüler konnte bei hier och hier Froe stellen.  Mir hoffen et huet de Kanner vun de Cycles 4.1 a 4.2 gutt bei eis gefall, a mir hoffen deen een oder dat anert nächst Joer bei eis begréissen ze dierfen. Fotogalerie